Home News Locale News 1,000 Pinoy, maaaring magtrabaho sa Czech Republic bilang factory worker

1,000 Pinoy, maaaring magtrabaho sa Czech Republic bilang factory worker

90
0
SHARE

Bukas ang pinto ng Czech Republic para sa tinatayang 1,000 Pinoy na nais magtrabaho sa bansa bilang factory worker, kahit pa sila ay hindi nagtapos ng kolehiyo.

Trabaho sa Czech Republic

#TVPatrol EXCLUSIVE: Gusto mo bang magtrabaho sa Europa? Magandang balita dahil 1,000 Pinoy factory workers ang kailangan sa Czech Republic ngayong 2018.BASAHIN: bit.ly/2twBcaU

Posted by TV Patrol on Friday, March 9, 2018

Ito ang tinalakay sa isang business forum na isinagawa sa tanggapan ng Ministry of Industry and Trade sa Prague, kung saan ipinakilala sa mga Czech employers ang ilang pangunahing produkto at industriya sa Pilipinas.

Ipinaabot ng mga employer sa ating embahada kung bakit gusto nila ang Pinoy workers.

“We have a very good reputation. We are known to be hardworking, generous, cheerful, masayahin ang mga Pilipino, masipag at maganda ang reputasyon dito,” ani Philippine Embassy Charge d’Affaires Jed Dayang.

Dagdag pa ni Department of Trade and Industry (DTI) Undersecretary Rowel Barba, protektado ang mga Pinoy sa Czech Republic dahil mayroon nang kaukulang guidelines para sa minimum pay sa migrant workers.

“Ito hong pagpadala ng mga Pilipino ay sasaloob sa isang framework na protektado ang mga rights ng mga workers, kahit ho mga Pilipino ay meron pong minimum pay,” ani Barba.

Sa pag-hire ng Pinoy workers sa Prague, hindi kailangan magbayad ng placement fee. Pag nakapasok ay mayroon ding food at transportation allowance, at higit sa lahat ay mayroong health insurance.

Dahil malaki ang quota na 1,000 workers sa 2018, handang tugunan ng Czech government ang karagdagang manpower staff sa embahada nito sa Pilipinas.

Sa Hunyo ang timeline para dagdagan ang kawani ng Czech Embassy para kayanin ang pag-issue ng 1,000 work visas hanggang katapusan ng taon.

“The decision has been made to recently upgrade the resources allocated to the visa handling situation so that the bottleneck at this moment will be rid off, and we can have up to a thousand people by the end of this year,” ani Vladan Raz, isang Czech recruiter.

Si Raz ang leading recruiter ng mga Pinoy worker sa Teleplan Electronics Plant.

Binisita ng ABS-CBN News ang planta kung saan mahigit sa 120 manggagawang Pinoy ang nagtatrabaho.

Dalawa sa kanila ay 10 taon nang empleyado ng planta at nadala na rin nila ang kanilang pamilya sa Prague.

May pending application din sila na maging permanent resident ng Czech Republic.

Maliban sa factory workers, sinabi ni Dayang na mayroon ding demand para sa health workers at IT sector.

Basahin din: Trabaho sa Korea: Factory worker na P60,000 ang buwanang sahod

– ABS-CBN

Comments

comments

1 COMMENT

  1. Your comment is awaiting moderation

    Dear friends, thank you for your web page. We use this page for the mass on board with the pilipino seafarers. Next sunday we have a celebration. We use the readings. Pagpalain kayo ng Diyos para sa trabaho na ito. Deacon Raimon Mateu Tarragona (Spain) freelance copywriter

LEAVE A REPLY

Please enter your comment!
Please enter your name here